2018 жылы ақпанның  15 жұлдыздарында колледж оқытушылары  Рахметова Р.З, Нурбикенова Г.Ж, Смирнова Н.С, Данилова Н.В, Сарсенбаева Р.А, Алпысбаева Р.К, Хамзина С.Х  ұйымдастыруымен еліміздің ертеңі — бүгінгі жас ұрпақтың қолында екенін ескере отырып, жас мамандармен  «Болашаққа нық қадаммен» және  «Оқытудың тиімді әдістері»  тақырыптарында  екі  топта  семинар өткізді.

Семинардың басты мақсаты — жас мамандарды білімалушылардың  оқуға деген ынтасын
арттырып, оқыту мен тәрбиелеу, дамыту салалары бойынша теориялық және әдістемелік көмек ұйымдастыру, ізденіске жетелеу, талапты азамат етіп тәрбиелеуге бейімдеу. 

Семинар барысында сауалнама,  топпен жұмыс, треннингтер, «Менің мұғалімдікке жолым ....»  жаттығуларын орындау, педагогикалық  ұстанымдарын қорғау тапсырмалары берілді. Сабақ жоспарын құрастыру. Педагогтар үшін ұсыныстар. Оқытушылар тәжірибесінен алынған әр педтехнологиялар бойынша, ойындармен, сөзжұмбақтар және ребустар шешумен, физикалық тәжірибелерді көрсетулермен құралған сабақ үзінділері көрсетілді.Семинар-практикумның  соңында жас мамандармен рефлексия өткізіліп,  жас мамандардың ұйымдастырылуымен флешмоб ұсынылды. Бүгінгі жас маман – ертеңгі ұлағатты ұстаздардың орнын басатын білікті кадр болмақ.

Жас мамандар оқытудың тиімді әдістерімен қаруланған заманауи сабақ жүргізу туралы өз ой – пікірлерін, ұсыныстарын ортаға салып, семинарға  белсене атсалысты.