Педагогикалық және жалпы білім беру пәндері кафедрасының меңгерушісі -

Нурбикенова Гульназ Жанабаевна

Педагогикалық және жалпы білім беру пәндері кафедрасы колледжде жүзеге асырылатын барлық мамандықтар бойынша мамандарды дайындайтын жалпы білім беру кафедрасы болып табылады. Бұл педагогика және жалпы білім беру ғылымдары саласындағы мамандарды даярлайтын орта.

Кафедраның басты міндеті – білім беру саласында тиімді жұмыс істей алатын және білім мен тәрбие берудің дамуына үлес қосатын білікті әрі жоғары дәрежелі педагогтарды қалыптастыру. Кафедра әртүрлі мамандықтарда оқитын білім алушылардың оқу процесін қамтамасыз етеді, ерекше назар педагогикалық құзыреттерді дамытуға, сондай-ақ психология мен педагогика негіздерін меңгеруге аударылады, бұл білім беру ортасында сәтті жұмыс істеу үшін қажет. 

Кафедра мамандықтары:

• 01140600 «Негізгі орта білім берудегі тіл мен әдебиетті оқытудың педагогикасы мен әдістемесі»
• 01120100 «Мектепке дейінгі тәрбие және оқыту»
• 01140100 «Бастауыш білім беру педагогикасы мен әдістемесі»
• 04210100 «Құқықтану»
• 04110100 «Есеп және аудит»
• 01140500 «Дене тәрбиесі және спорт»

Қолданбалы бакалавриат: 01140200 «Дене тәрбиесі және спорт», 01120100 «Мектепке дейінгі тәрбие және оқыту», 01140100 «Бастауыш білім беру педагогикасы мен әдістемесі».

Кафедра оқытушыларының құрамы:

Кафедрада 60 оқытушы қызмет атқарады: 1 педагогика ғылымдарының кандидаты; 5 педагогика ғылымдарының магистрі; 5 педагог-зерттеуші; 15 педагог-сарапшы; 13 педагог-модератор.

Кафедраның әдістемелік тақырыбы: Инновациялық технологияларды пайдалана отырып білім алушылардың кәсіби құзыреттіліктерін дамыту арқылы білім сапасын арттыру.

Кафедра оқытушылары авторлық оқу бағдарламаларын, бақылау және практикалық жұмыстарды орындауға арналған әдістемелік нұсқаулықтарды, сондай-ақ оқу-әдістемелік құралдарды әзірлейді. Оқытудың сапасын арттырудың маңызды тәсілі – білім алушыларды оқу үдерісіне белсенді қатыстыру үшін инновациялық оқыту әдістерін қолдану.

Кафедраның оқытушылары – педагогика, психология және басқа да пәндер саласында тәжірибесі мол, жоғары білікті мамандар. Олар білім алушылармен өз білімдерімен бөлісіп, олардың кәсіби және жеке дамуына ықпал етеді. Кафедра құрамында ғылым кандидаттары мен магистрлер бар, бұл жоғары деңгейде білім беру мен ғылыми жетекшілікті қамтамасыз етеді.

Кафедра қолданбалы бакалавриат бағдарламаларын келесі мамандықтар бойынша жүзеге асырады:

• 01140200 «Дене тәрбиесі және спорт»
• 01120100 «Мектепке дейінгі тәрбие және оқыту»
• 01140100 «Бастауыш білім беру педагогикасы мен әдістемесі»

Бұл бағдарламалар білім беру мекемелерінің әртүрлі деңгейіне арналған мамандарды даярлауға бағытталған және педагогикалық кадрларға қойылатын заманауи талаптар мен стандарттарды ескере отырып әзірленген, бұл түлектердің еңбек нарығында сұранысқа ие болуына ықпал етеді. Қолданбалы бакалавриат – орта білімнен кейінгі білімге жатады, ол «қолданбалы бакалавр» біліктілігі бар кадрларды даярлауға бағытталған.

Қолданбалы бакалавриат білім алушылары кредиттік-модульдік технология бойынша оқиды, бұл жоғары оқу орындарындағы білім беру жүйесіне сәйкес келеді. Бұл түлектерге ТжКБ (техникалық және кәсіптік білім беру) және бакалавриат бағдарламаларын модульдерге біріктіре отырып меңгеруге, білім туралы диплом мен қолданбалы біліктіліктер сертификатын алуға мүмкіндік береді.

Кафедра құрамында келесі клубтар мен орталықтар жұмыс істейді:

• Спорттық клуб «Тұлпар» – жетекшісі Кокан Мерген Коканұлы;
• Әскери-патриоттық клуб «Ұлан» – жетекшісі Бабаев Максим Владимирович;
• Практикалық педагогикалық шеберлік орталығы – жетекшісі Усина Самал Сериковна.