2018 жылдың 5-9 ақпан аралығы "Төтенше жағдайларда қорғау" және "Өрт қауіпсіздігі" ПЦК пәндік апталығы өткізілді. Тақырыбы: «Өрт қауіпсіздігінің өзекті мәселелері, төтенше жағдайлардың алдын
алу»
Арнайы пәндер оқытушыларымен ғылыми-тәжірибелік конференция, семинар,  ашық сабақтар, сыныптан тыс іс-шаралар жоспарлы жүргізілді. «Өрт қауіпсіздігінің техникалық, әлеуметтік және философиялық аспектілері» атты өткізілген әдістемелік семинар білім алушылардың ерекше қызығушылығын танытты. «Азаматтық қорғаныс жоғары көпсалалы колледжі» мекемесі жанындағы мамандандырылған оқу орталығының жетекшісі запастағы полковник Румянцев Ю. В. тәжірибесімен бөлісті.
«Гидравликалық авариялық-құтқару техникасы» тақырыбында арнайы пәндер оқытушысы М.Қ. Абжанов сыныптан тыс іс-шара жүргізді. Қазіргі заманғы құтқару құралдарының мақсаты, құрылғысы, тактикалық және техникалық сипаттамалары,  қағидаты көрсетілді.
Жас маман А.К.Аяған. «Топография бағдарлай білу және төтенше жағдайларда аман қалу» пәні бойынша ашық сабақ өткізді. Сабақ барысында презентация слайдтары және білім беру бейнероликтерін қолданды. 
Тәжірибелі оқытушы Т.С.Ибраев «Төтенше жағдайларда шұғыл іс-әрекеттерді ұйымдастыру» пәні бойынша, «Жануды тоқтату механизмі өрт сөндіруші заттар, сөндіру тәсілдері» ашық сабағында өрт сөндіру және өндірістік объектілерде авариялық-құтқару жұмыстарын жүргізу кезінде өртке қарсы бөлімдердің тактикалық әрекеттерін, инновациялық технологияларды тәжірбиеде қалай қолдана білу керектігін көрсетті.
08.02.2018 ж «Азаматтық қорғаныс саласындағы қауіпсіздік техникасының заманауи апаттық-құтқару технологиясы» тақырыбында семинар өткізілді. Оның мақсаты өрт кезінде заманауи құтқару техникасы мен жабдықтарын оқыту мен қолдану саласында жетілдіру жайында өздерінің баяндамаларымен 3 курс білім алушылары сөз сөйледі. Оның ішінде зиянды объектілерде өрт сөндіруге бейімделген машиналарды жақсарту бойынша көптеген жобалар көрсетілді.
Семинар қорытындысы бойынша білім алушылар заманауи өртке қарсы жабдықтар мен өрт сөндіру жабдықтары саласындағы соңғы жетістіктері туралы Қазақстан Республикасының аумағында ғана емес, жақын және алыс шет елдерде де пайдалану әдістері туралы білімдерін жетілдірді.
Арнайы пәндер оқытушысы С.Ю.Михайлов «Пожарные автомобили газоводяного тушения». тақырыбында кәсіби деңгейде сабағын өткізді.
09.02.2018 ж арнайы пәндер оқытушысы Н.А. Акиньшин «Газ түтіннен қорғанушылардың қызметі» пәні бойынша практикалық сабақ өткізілді.
Негізгі мақсаты білім алушылардың теориялық білімдері мен практикалық дағдыларын нығайту,кәсіби дайындығын арттырып, тез әрекет етуге дайындық деңгейіне жету, өртті сөндіру бойынша тиімді шаралар қабылдау және тыныс алу ортасы үшін жарамсыз құтқару жұмыстарын жүргізу болып табылады.
Ктапханада «Мы знаем всё про безопасность» тақырыбында көрме ұйымдастырылған.
Өткізілген іс-шаралары жоғары деңгейде өтті, апталықтың жоспары білім алушылары мен оқытушылардың көмегімен толық жүзеге асты. Заманауи технологияларды пайдалануы білім алушылардың қызығушылығын арттыруға мүмкіндік берді. Апталықтың нәтижелері әдістемелік кеңесте талқыланды.