Азаматтық қорғаныс жоғары көпсалалы колледжінде ата-аналардың онлайн форматтағы жалпы жиналысы өтті.

            Ата-аналармен білім алушыларды тәрбиелеу, тәртіп, сабаққа қатысу және құқық бұзушылықтардың алдын алу мәселелері талқыланды.

            Жиналысты колледждің құқық бұзушылықтардың алдын алу жөніндегі инспекторы Кошкенова А.О. және педагог-психолог Бегалина Ж.Б. бірлесіп өткізді.

            Отбасының жауапкершілікті тәрбиелеудегі, ережелерді сақтаудағы және білім алушылардың құқықтық мәдениетін қалыптастырудағы рөліне ерекше назар аударылды. Құқық бұзушылықтардың алдын алу және білім алушыларды қолдау мақсатында ата-аналар мен колледждің тұрақты өзара іс-қимылының маңыздылығы атап өтілді.

            Тәртіптің ең тамаша мектебі – отбасы. Отбасы мен колледждің бірлескен күш-жігері арқылы ғана жауапты, тәртіпті және заңға бағынатын жас азаматты тәрбиелеуге жағдай жасауға болады.