Азаматтық қорғаныс жоғары көпсалалы колледжінің білім алушылары «күлдіргіш газды» пайдаланудың алдын алуға бағытталған антинаркотикалық көше акциясына қатысты. Акция Ақмола облысы Полиция департаментінің Есірткі қылмысына қарсы іс-қимыл басқармасының қызметкерлерімен бірлесіп ұйымдастырылды. 

            Іс-шара қала көшелерінде ақпараттық материалдар тарату және жастармен түсіндіру әңгімелерін жүргізу форматында өтті. Студент-еріктілер антинаркотикалық бағыттағы ақпараттық буклеттер таратып, онда кеңес және көмек алу үшін жүгінуге болатын қызметтердің байланыс деректері берілді.

            Акция барысында қатысушылар тұрғындарға «күлдіргіш газдың» зияны, оның денсаулыққа кері әсері және ықтимал құқықтық салдары туралы ақпарат берді. Өз денсаулығына саналы көзқарас қалыптастыруға және қабылданатын шешімдер үшін жеке жауапкершілікті арттыруға ерекше назар аударылды.