2025 жылғы 10 желтоқсанда Азаматтық қорғаныс жоғары көпсалалы колледжінде халықаралық Адам құқықтары күні аясында құқықтық пәндер оқытушылары Ильясова С.И. және Махамбетова А.Е. «Құқық қорғау қызметтері орталығы» атты интерактивті сабақ өткізді.

            Іс-шара білім алушыларда адам құқықтарын қорғау тетіктерін практикалық тұрғыда түсінуді қалыптастыруға бағытталды. Сабақ барысында қатысушылар өмірден алынған нақты жағдайларға негізделген кейстермен жұмыс жасап, құқықтық аспектілерді талдап, өз ұстанымдарын қалыптастырып, азаматтардың құқықтары мен заңды мүдделерін дәлелді түрде қорғады.

            Аталған сабақ құқықтық сауаттылық деңгейін арттыруға, сыни ойлауды дамытуға және заңнаманы тәжірибеде қолдану дағдыларын қалыптастыруға ықпал етті.