2025 жылғы 2 желтоқсанда Ақмола облысында «Біз есірткіге қарсымыз» акциясы аясында жастар көшбасшылары, еріктілер және мемлекеттік органдар өкілдерінің қатысуымен кездесу өтті.

            Іс-шараға «Есбол қоры» қорының төрағасы Жандос Актаев қатысып, қордың қызметі мен жүзеге асырып жатқан әлеуметтік жобалары туралы айтты.

            «Аманат» партиясының жастар қанаты - «Жастар рухы» құрамындағы Азаматтық қорғаныс жоғары көпсалалы колледжінің белсенді білім алушылары құқықбұзушылықтың алдын алу және салауатты өмір салтын насихаттау бағытындағы нәтижелі жұмыстары үшін ІСБ басшылығының алғыс хаттарымен марапатталды. 

            Бұл іс-шара жастардың есірткі таралуына қарсы күрестегі және әлеуметтік жауапкершілікті арттырудағы күш-жігерін нығайтуға бағытталған маңызды қадам болды.