2025 жылдың 3 қазанында АҚЖКК білім алушылары Қазақстан Республикасының Ұлттық Қызыл Жарты Ай қоғамының Ақмола облыстық филиалы ұйымдастырған гуманитарлық миссияға белсенді қатысты. Жапониядан келген демеушілер ұсынған гуманитарлық жүк су тасқынынан зардап шеккендер мен әлеуметтік осал азаматтарға көмек көрсетуге бағытталды. Колледждің еріктілері жүктің түсірілуі мен сұрыпталуына айтарлықтай үлес қосып, жауапкершілікті және қиын жағдайға тап болған адамдарға көмектесуге дайын екенін көрсетті.

            Еріктілер қатарына білім алушылар Нұржау Олжас (ТЖ-21Б), Базеков Нариман (ТЖ-21Б), Наукеш Диас (ТЖ-21В) және Абдрахман Шахриер (ТЖ-21Б) кірді.

            Белсенді қатысқандары үшін филиал директоры Уайсов А.А. білім алушыларға алғысын білдірді. Олардың еңбегі шынайы қайырымдылық пен азаматтық ұстанымның үлгісі болды.

            Сонымен қатар, Азаматтық қорғаныс жоғары көпсалалы колледжінің білім алушылары арасындағы еріктілер қозғалысы белсенді дамып, қызмет бағыттарын кеңейтіп, бейжай қарамайтын жастарды біріктіріп келеді.

            Әсіресе қарт адамдар мен мүмкіндігі шектеулі азаматтарға қолдау көрсетуге ерекше назар аударылады. «Жайнар» клубының еріктілері мүгедек-арбамен жүретін жандарға көмек көрсетеді, себебі олардың медициналық мекемелерге өздігінен жетуі қиын. Колл-орталыққа түскен қоңыраулар бойынша білім алушылар бірден көмекке келіп, мұқтаж адамдарды емханаға жеткізіп қана қоймай, оларға рухани да, физикалық та қолдау көрсетеді. Ең маңыздысы бұл жұмыс ерікті түрде, шын жүректен атқарылады, ал бұл жастардың жауапкершілік пен гуманизм сезімін тәрбиелеуге ықпал етеді.