2025 жылдың 2 қазанында Мәлік Ғабдуллин атындағы Азаматтық қорғау академиясында Қазақстан Республикасы ТЖМ 30 жылдығына арналған «30 игі іс» жоспары аясында Көкшетау қаласының жоғары оқу орындары білім алушылары арасында «Эко құтқарушылар. Жасыл болашаққа бірге!» тақырыбында викторина өтті. 

            Бұл викторина жас буынның белсенді әрі дарынды өкілдерін біріктірді. Олардың ішінде Азаматтық қорғаныс жоғары көпсалалы колледжінің білім алушылары да лайықты өнер көрсетті. Азаматтық қорғаныс кафедрасының 4 курс білім алушылары төтенше жағдайларда іс-қимыл жасау бойынша жоғары білімдері мен дағдыларын көрсетіп қана қоймай, сонымен қатар табиғатты қорғауға және оны сақтауға дайын екендіктерін дәлелдеді.