2025 жылғы 16 қыркүйекте Азаматтық қорғаныс жоғары көпсалалы колледжінде «Адал азамат» бағдарламасы аясында бірінші курс білім алушылары үшін іс-шара өткізілді. Әлеуметтік-экономикалық пәндер кафедрасының оқытушылары Ильясова С.И. мен Махамбетова А.Е., сондай-ақ үшінші курс студенттері «Буллинг және жасөспірімдер арасындағы құқықбұзушылықтардың алдын алу» тақырыбында әңгіме жүргізді.

            Білім алушыларға кәмелетке толмағандардың жасаған құқықбұзушылықтары үшін жауапкершілік туралы айтылып, буллинг мысалдары келтірілді. Кездесу соңында қатысушылар өздерін қызықтырған сұрақтарын қойып, толыққанды жауаптар алды.