2025 жылдың 3 маусымында АҚЖКК Азаматтық қорғаныс кафедрасының ЧС-12С тобының білім алушылары Көкшетау қаласындағы Әдебиет және өнер музейіне барды. Бұл — өңірдің мәдени және тарихи мұрасымен танысуға мүмкіндік беретін бірегей музей.
Экскурсияның мақсаты:
- Білім алушыларды әдебиет пен өнер тарихымен таныстыру;
- Жастарды мәдени және тарихи мұраға баулу;
- Рухани-патриоттық тәрбиені нығайту.
Экскурсия барысында білім алушылар әдебиет пен өнерге қатысты қызықты мәліметтер алып, Ақмола өңірінің мәдениет қайраткерлерінің өмірі мен шығармашылығымен танысты. Музей экспозициясында 10 000-нан астам экспонат бар, оның ішінде сирек қолжазбалар, жазушылардың жеке заттары, ұлттық артефактілер мен тарихи жәдігерлер кездеседі.
Музейде көне артефактілер, ұлттық киімдер, қолөнер бұйымдары және басқа да құнды жәдігерлер ұсынылған. Экскурсия жетекшісінің көмегімен білім алушылар өңірдің тарихын, мәдениетін және дәстүрлерін тереңірек түсінді.
Жаркина Меруерт Ашуовна
