2025 жылғы 30 мамырда Азаматтық қорғаныс жоғары көпсалалы колледжі ҚР ТЖМ М.Ғабдуллин атындағы Азаматтық қорғау академиясында «Азаматтық қорғау» бағыты бойынша аймақтық білім беру-өндірістік кластерін құру туралы құжатқа қол қойды.

            Аталған кластер – Ақмола облысы аумағында техникалық және кәсіптік, орта білімнен кейінгі және жоғары білім беру бағдарламаларын жүзеге асыратын, әртүрлі меншік нысанындағы білім беру ұйымдарының келісім негізінде өзара әрекеттесетін ерікті бірлестігі болып табылады. Кластердің басты мақсаты – азаматтық қорғау саласында жоғары білікті мамандарды даярлау үшін білім беру ұйымдары, әлеуметтік әріптестер мен ТЖМ бөлімшелерінің тиімді ынтымақтастығын қамтамасыз ету.