2025 жылғы 6 мамырда Азаматтық қорғаныс жоғары көпсалалы колледжінде «Жігіт сұлтаны - 2025» байқауы өтті. Іс-шараны директордың тәрбие ісі жөніндегі орынбасары Шайхина Г.Ж. және кураторлар Нурсеитова Р.З., Рахметова Р.З., Шахтай А.М., Абильтаева С.Б. ұйымдастырды.
Байқау барысында қатысушылар өздерінің жан-жақты қабілеттерін көрсетіп, салт-дәстүрімізге деген құрметін, ұлттық рухын және көшбасшылық қасиеттерін таныта білді.
Іс-шара қорытындысы бойынша ТЖ-11А тобының білім алушысы Алиев Шахмардан «Жігіт сұлтаны – 2025» байқауының жеңімпазы атанды.
Номинациялар бойынша жеңімпаздар:
- «Сері жігіт» – ӨҚ-11А тобының білім алушысы Болат Рауан;
- «Өнерпаз жігіт» – ЧС-12Б тобының білім алушысы Абдибек Әділ;
- «Сегіз қырлы, бір сырлы» – ТЖ-11Б тобының білім алушысы Иманкулов Мейрам;
- «Сымбатты жігіт» – ӨҚ-11Б тобының білім алушысы Тағалбай Бақтияр;
- «Алғыр жігіт» – ФК-12Б тобының білім алушысы Тулебаев Амир;
Байқауға Ақмола облысының Ардагерлер кеңесінің мүшелері Гайнуллин Р.С. және Ережепов Ж.М. қатысып, білім алушыларға өздерінің жылы лебіздері мен тілектерін жолдады.
Барлық қатысушыларды құттықтаймыз және одан әрі табыс тілейміз!
