2025 жылғы 30 сәуірде Астана қаласында «Қазақстан Республикасы колледждерінің 100 үздік студенті» республикалық байқауының жеңімпаздарын марапаттау рәсімі өтті. Жұмысшы мамандықтар жылы аясында ұйымдастырылған бұл ауқымды шараға еліміздің барлық өңірінен 100-ден астам дарынды және болашағынан зор үміт күттіретін білім алушылар жиналды. Іс-шараны Қазақстан Республикасы Оқу-ағарту министрлігі ұйымдастырып, жобаны жүзеге асыруға «Talap» КЕАҚ қолдау көрсетті.
Байқаудың басты мақсаты – техникалық және кәсіптік, орта білімнен кейінгі білім беру жүйесіндегі дарынды жастарды қолдау, олардың кәсіби өсіп-дамуына ықпал ету және еліміздің экономикасы үшін кадрлық резерв қалыптастыру.
Азаматтық қорғаныс жоғары көпсалалы колледжінің ӨҚ-41А тобының білім алушысы Есенғазы Бекжан бұл байқауда үздіктер қатарынан табылып, Қазақстанның 100 үздік студентінің қатарына кірді.
Білім алушының жетекшісі Азаматтық қорғаныс кафедрасының меңгерушісі – Кадыров Рамазан Татжанович.
Білім алушымызды осы жоғары жетістігімен шын жүректен құттықтаймыз және алдағы уақытта да жаңа табыстар тілейміз!