2025 жылдың 14-20 сәуір аралығында Түркістан қаласында Қазақстан Республикасының техникалық және кәсіптік, орта білімнен кейінгі білім беру ұйымдарының білім алушылары арасында, Жұмысшы мамандықтар жылы аясында «Еңбек кубогы» Республикалық спартакиадасы өтті. Аталған жарысқа еліміздің 20 өңірінен келген командалар қатысты.   

            Азаматтық қорғаныс жоғары көпсалалы колледжінің командасы жасөспірімдер арасындағы шағын футбол ойыны бойынша сайысында жоғары деңгейде өнер көрсетіп, құрметті екінші орынды иеленді.  

            Команданың бас жаттықтырушысы - Кокан М.К., көмекші жаттықтырушысы - Каирбеков А.М.  

            Спортшыларымызды және олардың жаттықтырушыларын тамаша нәтижемен құттықтаймыз және одан әрі табыс тілейміз!