2025 жылғы 15-20 сәуір аралығында Түркістан қаласында Жұмысшы мамандықтар жылы аясында ұйымдастырылған «Еңбек кубогы» Республикалық спартакиадасы өтеді. Аталған іс-шара аясында техникалық және кәсіптік, орта білімнен кейінгі білім беру ұйымдарының білім алушылары арасында ауқымды жарыстар ұйымдастырылады. Бұл күш пен командалық рух мерекесіне еліміздің түрлі өңірлерінен 20 команда қатысады.
Азаматтық қорғаныс жоғары көпсалалы колледжінің командалары Ақмола облысының намысын қорғап, қыздар арасындағы баскетбол ойыны бойынша және ұлдар арасындағы шағын футбол ойыны бойынша жарыстарға қатысады.
Спортшыларымызға сәттілік пен Республикалық аренада лайықты өнер көрсетулерін тілейміз!