2025 жылғы 31 наурызда Азаматтық қорғаныс жоғары көпсалалы колледжінде директордың оқу-әдістемелік және ғылыми жұмыс жөніндегі орынбасары С.Бостанбаева ұйымдастырған Жас педагог мектебінің отырысы өтті.

            Кездесу барысында «Үздік жас педагог» байқауының қорытындылары талданды. Жас мамандар өздерінің өткізген сабақтарына өзіндік талдау жасап, сыни тұрғыдан сабақтарының жағымды және жағымсыз жақтарын атап өтіп, ықтимал кемшіліктерді анықтады. Мұндай формат қатысушыларға өз жұмысына сыни көзқараспен қарауға, тәжірибе алмасуға және болашақ кәсіби дамудың бағыттарын белгілеуге мүмкіндік берді.