2025 жылғы 26-28 наурыз аралығында Азаматтық қорғаныс жоғары көпсалалы колледжінде «Үздік жас педагог» жас оқытушылар байқауы өтуде.
Байқаудың бірінші кезеңі – сабақ өткізу, онда қатысушылар өздерінің кәсіби шеберлігін және оқытудағы инновациялық тәсілдерін көрсетеді.
Байқаудың мақсаты – жас оқытушылардың шығармашылық әлеуетін дамыту, олардың кәсіби өсуіне және колледжде бекітілуіне жағдай жасау, сондай-ақ білім беру процесіндегі инновациялық қызметті ынталандыру.
Бұл байқау оқыту сапасын арттыруға, колледждің оқытушылық құрамын нығайтуға, сондай-ақ жас оқытушылар үшін өзін-өзі дамыту мен мансаптық өсуге жаңа мүмкіндіктер ашуға ықпал етеді.