2025 жылғы 6 наурызда АҚЖКК Азаматтық қорғаныс кафедрасында «Іздестіру-құтқару жұмыстары» пәні бойынша ашық сабақ өтті. Сабақтың тақырыбы – «Қираған жертөленің сыртқы қабырғаларында ойық жасау». Сабақты Азаматтық қорғаныс кафедрасының оқытушысы Михайлова С.Н. жүргізді.

            Сабақтың мақсаты – қираған жертөледен (панадан) зардап шеккендерді құтқару әдістерін түсіндіру, оның ішінде сыртқы қабырғасында ойық жасау тәсілін меңгерту.

            Сабақтың негізгі міндеттері:

• Білім беру – білім алушыларды зардап шеккендерді босату әдістерімен таныстыру және материалды меңгеру деңгейін тексеру.
• Дамытушылық – талдау, салыстыру және қорытынды жасау дағдыларын дамыту.
• Тәрбиелік – білім алушыларға төтенше жағдайларда өзіне деген сенімділікті қалыптастыру және басқа адамдардың өміріне жауапкершілікпен қарауға үйрету.

            Сабақ барысында белсенді оқыту әдісі – менталды карталар құрастыру қолданылды, бұл білім алушылардың материалды терең меңгеруіне және логикалық ойлауын дамытуға жақсы ықпал етті.

            Ашық сабақ нәтижелі өтті, білім алушылар жаңа білім алып қана қоймай, оны тәжірибеде қолдануды үйренді.