2025 жылғы 27 ақпанда Азаматтық қорғаныс жоғары көпсалалы колледжінде білім алушыларға арналған «Тәртіпті өзіңнен баста!» тақырыбында антикоррупциялық дәріс өтті.
Іс-шараның мақсаты – қоғамда заңдылық пен тәртіпті насихаттау, адалдық мәдениетін дамыту, сондай-ақ жастар арасында тұрақты антикоррупциялық құндылықтарды қалыптастыру болды.
Дәрістің спикері – Қазақстан Республикасы Сыбайлас жемқорлыққа қарсы іс-қимыл агенттігінің Ақмола облысы бойынша департаментінің қызметкері А.Кусаинова. Ол білім алушыларға антикоррупциялық қызметтің жұмысы, сыбайлас жемқорлық құқық бұзушылықтарының негізгі түрлері және олар үшін заңды жауапкершілік, сондай-ақ сыбайлас жемқорлыққа қарсы күрестің нақты әдістері туралы айтып берді.
Дәріс соңында қатысушыларға Антикордың 1424 тегін тәулік бойы жұмыс істейтін call-центрі туралы ақпарат беріліп, антикоррупциялық бейнеролик көрсетілді.
Осындай іс-шаралар білім алушылардың адалдық, әділдік және заңдылық қағидаларын терең түсінуіне жақсы ықпал етеді.
