2025 жылғы 21 ақпанда Азаматтық қорғаныс жоғары көпсалалы колледжі базасында жалпы білім беретін пәндер оқытушыларының облыстық әдістемелік бірлестігінің II отырысы өтті. Отырыстың тақырыбы: «Оқытушы портфолиосы – өзін-өзі таныстырудың және кәсіби қызметті бағалаудың негізгі құралы».
Іс-шараның негізгі мақсаты – қатысушыларды кәсіби портфолионың құрылымы және қағидаларымен таныстыру, «Ұстаз» платформасында жұмыс ұйымдастыруды зерттеу, сондай-ақ цифрлық технологияларды қолдана отырып әзірленген сабақтардың практикалық үлгілері мен модельдерін қарастыру.
Отырыс барысында оқытушылар білім беру процесінде цифрлық құралдардың тиімділігін бағалап, оларды түрлі категориядағы білім алушыларға бейімдеу жолдарын талқылады. Іс-шара тәжірибе алмасуға, педагогикалық шеберлікті арттыруға және заманауи білім беру технологияларын жетілдіруге жақсы ықпал етті.