2025 жылғы 20 ақпанда Азаматтық қорғаныс жоғары көпсалалы колледжінің кітапханасында «Біртұтас тәрбие» бағдарламасының «Балалар кітапханасы» жобасы аясында «Ұлттық рухтың шырағы» челленджі өтті. Іс-шараны директордың тәрбие ісі жөніндегі орынбасары Шайхина Г.Ж., кітапхана меңгерушісі Баджанова Т.К. және тарих пәнінің оқытушысы Оралова М.Б. ұйымдастырды.

Челленджге ТЖ-11В, ТЖ-11А, ӨҚ-11Б, ТЖ-21А және ӨҚ-11А топтарының білім алушылары қатысты.

Іс-шара қазақ әдебиетінің көрнекті өкілі, Қазақ КСР Мемлекеттік сыйлығының лауреаты, қазақ әдебиетінің дамуына зор үлес қосқан Ілияс Есенберлиннің 110 жылдығына арналды. Челлендж аясында білім алушылар жазушының «Көшпенділер» трилогиясын оқып, қазақ халқының бай тарихымен танысты.

Іс-шара таным мен тарихқа деген терең құрмет атмосферасында өтіп, білім алушыларға қазақ халқының мәдени мұрасымен жақынырақ танысуға мүмкіндік берді.