2025 жылғы 13 ақпанда АҚЖКК Азаматтық қорғаныс кафедрасының оқытушылары Михайлов С.Ю. және Михайлова С.Н. ЧС-32А және ЧС-32Б топтарының білім алушылары үшін сабақ-экскурсия өткізді. Сабақ «КОКШЕТАУ ЭНЕРГО» ЖШС базасындағы бомбадан қорғану құрылысы аумағында ұйымдастырылып, тақырыбы «Қираған баспаналарды ашу кезіндегі іздестіру-құтқару жұмыстарын жүргізу тактикасы» болды.
Сабақтың негізгі міндеттері:
- Іздестіру-құтқару жұмыстарын жүргізу алгоритмін тәжірибе жүзінде пысықтау;
- Қираған аумақтан зардап шеккендерді қауіпсіз шығару әдістерін меңгеру;
- Төтенше жағдайларда қауіпсіздік техникасы ережелерін үйрену.
Сабақ барысында білім алушылардың танымдық қабілеттерін дамытуға, топтық жұмыс дағдыларын жетілдіруге, сондай-ақ стресстік жағдайда өзін-өзі басқару қабілеті мен жауапкершілік сезімін қалыптастыруға ерекше назар аударылды.
Практикалық бағыттағы сабақ форматы білім алушыларға іздестіру-құтқару жұмыстарының тактикалық әдістерін тек теориялық тұрғыдан түсіндіріп қана қоймай, сонымен қатар командалық өзара әрекеттесу дағдыларын тәжірибе жүзінде пысықтауға мүмкіндік берді.
