«Азаматтық қорғаныс жоғары көпсалалы колледжі» жанындағы Оқу-әдістемелік бірлестігі ұйымдастырған «Төтенше жағдайлардың алдын алу және жою саласындағы инновациялық технологиялар» - 2024 ж. ғылыми мақалалар (рефераттар) байқауы аяқталды.
Байқау қорытындысы бойынша ұйымдастыру комитеті жеңімпаздарды, сондай-ақ келесі номинациялар бойынша үздіктерді анықтады: «Мақаланы үздік безендіру», «Үздік техникалық идея» және «Бүгінгі еңбекті қорғау – толыққанды болашаққа қадам».
Барлығы байқауға 6 бейінді колледжден 20 мақала (реферат) қабылданды.
Жүлделі орындарды келесі колледждердің білім алушылары иеленді:
- 1-дәрежелі диплом – Азаматтық қорғаныс жоғары көпсалалы колледжінің білім алушысы;
- 2-дәрежелі диплом – Саламат Мұқашев атындағы Атырау политехникалық жоғары колледжінің білім алушысы;
- 3-дәрежелі диплом – Солтүстік Қазақстан жоғары кәсіби-педагогикалық колледжінің білім алушысы.
«Мақаланы үздік безендіру» және «Үздік техникалық идея» номинацияларының жеңімпаздары – Халел Өзбекғалиев атындағы Маңғыстау жоғары политехникалық колледжінің білім алушылары, ал «Бүгінгі еңбекті қорғау – толыққанды болашаққа қадам» номинациясында жеңіс Солтүстік Қазақстан жоғары кәсіби-педагогикалық колледжінің білім алушысына берілді.
Айта кету керек, осындай іс-шаралар білім алушылардың ғылыми зерттеулерге қызығушылығын арттыруға, сонымен қатар оқу кезінде шығармашылық қабілеттерін анықтауға және дамытуға жақсы ықпал етеді.
Байқауға белсенді қатысқан барлық білім алушылар мен олардың ғылыми жетекшілеріне үлкен алғысымызды білдіреміз! Сіздерге оқуда үздік жетістіктер мен жаңа шығармашылық табыстар тілейміз!
«Азаматтық қорғаныс жоғары көпсалалы колледжі» мекемесі жанындағы оқу-әдістемелік бірлестігі
