2025 жылғы 20 қаңтарда Азаматтық қорғаныс жоғары көпсалалы колледжінде білім алушылардың ойынға тәуелділіктің алдын алуға арналған «Сенімен Болашақ» қоғамдық қорының психологымен кездесуі өтті.

Білім алушылар лудомания дегеніміз не екенін, оның адам өміріне қалай әсер етуі мүмкін екенін, сондай-ақ ойындарға деген дұрыс қарым-қатынасты қалай қалыптастыруға болатынын, стресспен қалай күресуді және құмар ойындарға тартылудан қалай аулақ болуды үйренді.

Іс-шара барысында нақты жағдайлар талқыланып қана қоймай, қатысушылар өз пікірлерімен бөлісіп, қоғамдық қорының маманына өздерін қызықтырған сұрақтарын қойды. Кездесу білім алушыларға ойынға тәуелділік мәселесі және оның алдын алу жолдары туралы маңызды білім алуға көмектесті.