2025 жылғы 17 қаңтарда АҚЖКК ЧС-12С және ӨҚ-11С топтарының білім алушылары үшін Ақмола облысы ТЖД Жедел-құтқару жасағына экскурсия ұйымдастырылды. Экскурсияны оқу өрт және авариялық-құтқару бөлімінің бастығы Қайыржан Н.С. және өндірістік оқыту шебері Исаков Б.Ж. өткізді.

Іс-шараның мақсаты білім алушыларды құтқарушылар жұмысының негізгі аспектілерімен, олардың кәсіби дағдыларымен және мамандандырылған жабдықтарымен таныстыру болды. 

Құтқарушылар қолданатын заманауи жабдықтарды көрсету білім алушылардың ерекше қызығушылығын тудырды. Экскурсияға қатысушылар гидравликалық авариялық-құтқару құралының, кинологиялық қызметтің, мамандандырылған техниканың жұмысын, сондай-ақ сүңгуірдің суға батуы мен оның қысқы кезеңде су астында жұмыс істеуін көре алды.

Іс-шара білім алушыларға кәсіптің шындықтарымен жақынырақ танысуға мүмкіндік берді, бұл олардың азаматтық қорғаныс саласындағы болашақ жұмысына деген қызығушылығын одан әрі арттырды.