Азаматтық қорғаныс жоғары көпсалалы колледжінде «Таза сессия» акциясы аясында «Сыбайлас жемқорлықсыз болашақ» тақырыбында кездесу өтті. Іс-шараға колледж білім алушылары және шақырылған спикер – Плюснин Игорь Геннадьевич, «Жаңару» сыбайлас жемқорлыққа қарсы жалпыұлттық қозғалыс» РҚБ Ақмола облыстық филиалының директоры қатысты. 

Кездесудің негізгі мақсаты білім алушылардың сыбайлас жемқорлықтың зияны, оның теріс салдары және білім беру ортасындағы адалдықтың маңызы туралы хабардарлығын арттыру болды. Іс-шара барысында Игорь Геннадьевич сыбайлас жемқорлыққа қарсы әрекеттер бойынша өз тәжірибесімен және ұсыныстарымен бөлісті, сондай-ақ білім алушылардың қызықтырған сұрақтарына жауап берді.