2024 жылдың 11 желтоқсанында Азаматтық қорғаныс жоғары көпсалалы колледжінің жатақханасында «Желтоқсан құрбандарын еске алу» тақырыбында іс-шара ұйымдастырылды.

Іс-шараның мақсаты Желтоқсан құрбандарын еске алу, жастар арасында отансүйгіштік пен Отанға деген сүйіспеншілікті тәрбиелеу болды.

Бағдарлама аясында білім алушылар тәуелсіздік туралы өлеңдер оқып, сахналық қойылымдар қойды, сондай-ақ «Желтоқсан желі» әнін шырқап, домбырада күй шертті.

Іс-шара соңында колледж кітапханашылары жиналған білім алушыларға тәуелсіздік және Желтоқсан оқиғалары тақырыптарындағы кітаптар туралы мәлімет берді.