2024 жылғы 18 қарашада АҚЖКК Азаматтық қорғаныс кафедрасында есірткі, алкоголь және темекіні пайдаланумен күресуге бағытталған профилактикалық іс-шара өтті.
Жиналған білім алушыларға «Закладчик» деректі фильмінің көрсетілімі ұйымдастырылды. Бұл фильм есірткі қызметіне тартудың нақты салдарын егжей-тегжейлі ашты. Көрсетілімнен кейін білім алушылар пікірталасқа белсенді қатысып, қызықтырған сұрақтарын қойып, өз әсерлерімен бөлісті.
Ақмола облысы ПД ЕҚБ аға жедел уәкілі, полиция подполковнигі Курсанова Р.Т. және «Zakon KZ» порталының журналисті Негметова К.К. сөздері ерекше назар аударды. Олар өз жұмыстары туралы айтып, өмірден алынған мысалдармен бөлісті және жаман әдеттердің алдын алу бойынша пайдалы ұсыныстар берді.
Сондай-ақ, шара аясында есірткінің алдын алу тақырыбына арналған әлеуметтік желілердегі үздік постқа конкурс жарияланды, жеңімпаздарды бағалы сыйлықтар күтеді.
Мұндай бастамалар салауатты өмір салтына саналы көзқарасты қалыптастыруға ықпал етеді және жастарды жаман әдеттермен күресуге тартады.
