2024 жылғы 23 қазанда Азаматтық қорғаныс жоғары көпсалалы колледжінің Азаматтық қорғаныс кафедрасында мемлекеттік мереке — Қазақстан Республикасы күніне арналған салтанатты концерт өтті. Іс-шара білім алушыларды патриотизмге тәрбиелеуге және осы маңызды күннің тарихымен таныстыруға бағытталған.  

Іс-шараның негізгі мақсаттары бұл білім алушыларды Қазақстан Республикасы күнінің тарихымен таныстыру, олардың басқа ұлттардың өміріне, мәдениеті мен әдет-ғұрпына деген қызығушылығын қалыптастыру, сондай-ақ өз елі үшін мақтаныш сезімін тәрбиелеу болды. Іс-шара білім алушылар арасында бірлік пен патриотизм сезімін нығайтуға жақсы ықпал етті, сондай-ақ елдің мәдени әртүрлілігі туралы түсініктерін кеңейтті.