2023 жылғы 14 қарашада Азаматтық қорғаныс жоғары көпсалалы колледжінде, «Қатыгездіксіз және зорлық-зомбылықсыз балалық шақ» республикалық акциясы аясында, студенттерге арналған «Спайкингтің» құрбаны болма!» атты дәріс ұйымдастырылды.

ПД есірткі қылмысына қарсы іс-қимыл басқармасының аға жедел уәкілі, полиция подполковнигі Курсанова Р.Т. жиналған студенттерге «Спайкинг» термині бойынша кең ақпарат беріп, оның қоғамға деген зиянды әсерін түсіндірді.

Бұл дәріс білім алушыларға олардың заңды құқықтарын жете түсінуге көмектеседі және «Спайкингке» қарсы тұру үшін қажетті тиімді ақпаратпен қамтамасыз етеді.