2023 жылғы 20-21 сәуір аралығында Азаматтық қорғаныс жоғары көпсалалы колледжінің базасында «Құтқару жұмыстары» құзыреттілігі бойынша «WorldSkills Aqmola 2023» аймақаралық чемпионаты өтті. Солтүстік Қазақстан облысынан, Маңғыстау облысынан, Қарағанды облысынан, Ақмола облысынан, Батыс Қазақстан облысынан және Астана қаласынан 7 колледж қатысты.
Чемпионат 7 модульден тұрды:
-Жауынгерлік киімдерді және сүзгіш газқағарларды кию;
-ТЖ аймағынан жарылыс қаупі бар жүктерді іздеу және эвакуациялау;
-Зардап шеккен адамға алғашқы көмек көрсету және жауынгерлік киімді пайдалана отырып тасымалдау;
-Альпинизм жаттығулары;
-Оқу мұнарасының 3 қабатының терезесіне шабуыл сатымен көтерілу;
-Құтқарушылар эстафетасы;
-100 метрлік кедергілер жолағын еңсеру.
Чемпионат қорытындысы бойынша ПБ-22Б тобының студенті Будаев Павел, ӨҚ-21А тобының студенті Есенғазы Бекжан, ЧС-22Б тобының студенті Леонтьева Ангелина, ЧС-22Б тобының студенті Парахонько Никита және ТЖ-31В тобының студенті Шаймерден Темірлан АҚЖКК командасының құрамына кіріп, 1 орынды иеленді.
АҚЖКК үнемі дамуға, білім беру жүйесін жақсартуға ұмтылады. Сондықтан да колледж студенттері өздеріне сенімді, өз ісінің болашақ көрнекті мамандары.
Студенттерді чемпионатқа дайындаумен айналысқан оқытушыларға шын жүректен алғысымызды білдіреміз. Жеңімпаздарды шын жүректен құттықтаймыз және одан әрі табыс тілейміз!