Тәуелсіздіктің мәні мен маңызын жас ұрпақ санасына ерте бастан сіңірілуі тиіс! Осы мақсатта «Азаматтық Қорғаныс көпсалалы» колледжі кітапханасында 13-жетоқсан  оқушыларымен бірге ел тәуелсіздігінің 25 жылдығына орай мерекенің мерейін айқындайтын, «Тәуелсіздік –таң нұры» атты танымдық сұхбат өткізді. Іс-шараға  колледж оқушылары мен ұстаздары қатысты. Іс-шараның мақсаты: тәуелсіздікке жету жолында талай боздақтарымыздың жалған айыппен құрбан болғандарын оқушыларға  жете ұғындыру.

Тәуелсіздік-мағынасы зор, тамыры терең ұғым. Қазақстан тәуелсіздікке қалай қол жеткізгенін білу үшін тарихқа көз жүгіртті. Интереактивті тақтадан Желтоқсан оқиғасы туралы видеоролик және терең  ойға шомылдырар слайдтар көрсетіліп отырды . «Мәңгілік елдің мұраты мен мақсаты-Ұлы даланың ұраны », «Мәңгілік ел-Страна моей мечты» атты кітаптар көрмесі ұйымдастырылды.

Колледж оқушылары мен оқытушылары мемлекеттік тілге деген, тәуелсіздікке деген өздерінің сүйіспеншілігін, жанашырлық, қамқорлық көзқарастарын өздерінің дәлелді сөзі, ойы арқылы айта білді. Бүгінгі таңда тәуелсіздігімізді асқақтатуға, тіліміздің мәселесіне де қатысып, келелі ой қозғадық деп ойлаймыз.