«Ғылыми жаратылыс тану пәндері және ақпараттық жүйелер» циклында 17.11.2016 ж. «Информатика әлеміне саяхат. Ойын технологияларын қолдану» тақырыбына «Информатика саласындағы пәндерді оқытуда тәжірибе алмасу атты» семинар өткізілді.

Іс-шараны көп салалы азаматтық қорғаныс колледжі оқытушылары: Сатиева С. М., Рахметова Р.З., Нугманова А.Б. өткізді, қатысушылар: Булатова М.А., Альжанова Л.С., Тыщенко Н.А. және басқалары болды.

Ойын технологияларын қолданудың әдістемелік ерекшеліктері көрсетілді:

• оқытушы таңдап алған және өзі дайындаған әр түрлі жаттығулар мен тапсырмалар арқылы білім алушылардың жаңа білім, дағды және біліктіліктерін меңгеруі үшін әр түрлі жұмыс түрлерін ұйымдастыруы сабақтың негізін құрайды.

• ребус, кросворд, есептер пән бойынша терминологияны дұрыс игеруге көмектеседі.

• Іскерлік ойындар белсенді білім беру әдістерінің бірі болып табылады.

• Іскерлік ойындар оқу курсын шынайы өмірмен байланыстыруға көмектеседі.

• Осы әдістің негізгі міндеті – қойылған мақсатты сараптау, өз бетімен шешім қабылдау нақышын дамыту.

Сабақтың әр түрлі қадамында ойын технологияларын қолданудың келесі әдістемелік нұсқаулары ұсынылды:

• ойын технологиялары шығармашылық-іздену деңгейінде оқушылардың жұмыстарын қызықты етеді.

• информатиканы оқып-үйренудегі күнделікті қадамдарын түрлендіреді.

• білім алушылардың психологиялық функцияларын белсендендіреді.

• жаңа жағдайда білімдерін пайдалануға мүмкіндік береді.

• оқу үрдісіне қызығушылық және өзгеріс енгізеді.

Ойын технологиялары қолданылатын келесі практикалық тапсырмалар ұсынылды:

1. «Ребустар».

2. «Своя игра».

3. «Разминка».

4. «Аукцион».

5. «Шешендік шеберлік».

Іс-шара соңында қатысушылар шешендік шеберліктерін көрсетіп, өз позицияларын қорғады.

«Рефлексия», яғни жұмыс нәтижесін қорытындылау кезінде қатысушылар сұрақтарға жауап бергендегі эмоцияларын смайликтер арқылы көрсетіп, «Информатика» әлемі бойынша эпиграфтар жазды. 

Нугманова А.Б.